Исплатата на субвенциите од програмата за директна поддршка е во тек. Вчера беа исплатени субвенциите за поледелски култури за над 24.000 корисници. Финансиската поддршка која е одвоена за оваа цел е во висина од над 450 милиони денари.
Во изјава за Агротим, директорот на Платежната агенција – Никица Бачовски вели дека следни за исплата се субвенции за млеко.
-Во Агенцијата за финансиска поддршка на земјоделството и руралниот развој интензивно се работи на изготвување на решенија за исплата за повеќе земјоделски гранки. Во моментов се подготвува и наскоро ќе има исплата на една фаза на млеко (октомври – декемри 2020) – изјави за Агротим, Бачовски.