Во понеделник ќе биде распишан првиот тендер за изградба на фотонапонски електроцентрали на државно земјиште на две локации. Во Македонски Брод предвидено е да се инсталираат соларни паркови со 10 мегавати, а во Свети Николе со 25 мегавати моќност. Приклучокот на мрежата ќе чини меѓу 20.000 и 30.000 евра по инсталиран мегават.
Државата се обврзува да го пренамени и урбанизира земјиштето. Парцелите се со различна големина за да учествуваат и големи, но и мали инвеститори. Производителите сами ќе одберат каде ќе ја нудат произведената струја.
Производителите ќе се бираат на јавно поддавање, според критериумот најниска заработка. Тендерот ќе биде отворен 60 дена.