Европол: Од пазарите отстранети 3.600 тони опасна храна

Вести

Повеќе од 3.600 тони храна и 9,7 милиони литри напитоци се отстранети од потрошувачкиот пазар за време на заедничката акција на Интерпол и Европол, насочена против храна и пијалаци што се шверцуваат или не ги исполнуваат условите.

Европол потенцира дека трговијата со шверцувана храна која не ги исполнува стандардите е голем бизнис и оти се вложуваат големи напори за да се запре тој глобален феномен.

Во рамки на истрагата „ОПСОН“ биле конфискувани големи количества расипано месо, хемиски обоена туна и шверцувано адаптирано млеко за бебиња.

Истрагата траела четири месеци, односно од декември 2017 до март 2018 година, а била спроведена во 67 држави.

Share

Leave a Reply

Your email address will not be published. Required fields are marked *