I. ОПШТИ ОДРЕДБИ
Растенијата како добро од општ интерес имаат посебна заштита утврдена со Законот за здравјето на растенијата („Службен весник на РМ“ бр. 29/05, 81/08, 20/09, 57/10, 17/11, 148/11, 69/13, 43/14, 158/14, 149/15, 39/16 и 83/18).
Нарачател на јавниот конкурс е Министерство за земјоделство, шумарство и водостопанство – Фитосанитарна управа.
Право на учество на јавниот конкурс имаат сите правни и физички лица кои ги исполнуваат општите услови од член 60 од Закон за здравјето на растенијата и посебните услови утврдени со Правилникот за поблиските услови во однос на просториите и опремата за давање на јавни услуги од областа на здравјето на растенијата („Службен весник на РМ“ бр.12/2011).
II. ПРЕДМЕТ НА ЈАВНИОТ КОНКУРС
Предмет на јавниот конкурс е издавање на дозволи за давање на услуги во областа на здравјето на растенијата.
III. ВИД НА ЈАВНА УСЛУГА ЗА КОЈА СЕ ИЗДАВА ДОЗВОЛАТА
Министерство за земјоделство, шумарство и водостопанство – Фитосанитарна управа издава дозволи за вршење на јавни услуги од областа на здравјето на растенијата и тоа за следните видови на услуги:
1.1. интервенирање во случај на ненадејни појави на карантински штетници на растенијата, каламитетни појави и епифитоции на штетни организми;
1.2. обезбедување метеоролошки, биолошки и други податоци за целта на следењето и прогнозирањето на појавата на штетни организми;
1.3. едуцирање на сопствениците и други лица вклучени во спроведување на активностите поврзани со здравјето на растенијата;
1.4. издавање на пасоши за растенија;
1.5. спроведување на научно-истражувачки развојни активности и
1.6. вршење дезинсекција, дезинфекција и дератизација заради здравјето на растенијата.
Заинтересираните субјекти можат да поднесат пријава за сите или поединечни активности од горенаведените точки.
Рокот за поднесување на понудите е десет (10) работни дена од денот на неговото објавување.
Пријавите се доставуваат до Министерство за земјоделство, шумарство и водостопанство – Фитосанитарна управа, ул. Аминта Трети бр.2 1000 Скопје.
Документи за превземање:
ЗАКОН ЗА ЗДРАВЈЕТО НА РАСТЕНИЈАТА Јавен конкурс 30.05.19 Пријава за јавните услугу за здравјето на растенијата 2019