Вечерва на прес конференција, претседателот на СДСМ Димитар Ковачевски ги соопшти имињата на идните министри кои ќе бидат предложени во Собранието.
За министер за земјоделство, шумарство и водостопанство е предложен Љупчо Николовски, кој на оваа функција беше од 2017 до 2019 година.
За време на неговиот мандат започнаа повеќе проекти и мерки за земјоделците како „Зелена нафта“, „Млад земјоделец“ , „Рурална жена“, инвестици во системи за наводнување, неселективната исплата на субвенциите, државата стана лидер во искористеност на ИПАРД средствата и други политики кои значеа подобрување на состојбата во земјоделскиот сектор.