Fruit Logistica е водечки саем за секторот на свежи производи, овошје и зеленчук, кој нуди бројни деловни можности, вмрежување и контакти на клучните носители на одлуки во секој сектор од индустријата. Се одржува во Берлин, Германија, од 8 до 10 февруари 2023 година.
Голем број на македонски фирми имаат огромен интерес да бидат дел од овој престижен саем. МЗШВ и оваа година предводи македонски штанд за промоција на македонските производи. Фирмите кои се дел од македонскиот штанд се Flora Fresh, Хортена, Виториа Фруит, Румко, Туран, Невада и Фреш Лајн.
Претходниот саем беше домаќин на бројни учесници и повеќе од 600 компании изложувачи, како и повеќе од 40 илјади посетители.
Според организаторите, претстојното издание ќе го посетат уште повеќе професионалци и ентузијасти. На располагање се 112.000 квадратни метри, а ќе бидат присутни 1.994 изложувачи од 87 земји, најавуваат организаторите.
