Министерот Димковски во битолско Логоварди

Вести
Денеска, во село Логоварди, министерот за земјоделство, шумарство и водостопанство, Трајан Димковски го посети објектот каде во карантински услови се чуваат 159 јуници, набавени преку оваа мерка. Тоа е само дел од планираната набавка за која се очекува во целост да се реализира до крајот на јануари 2020 година.
Министерот беше придружуван од директорот на АФПЗРР Николче Бабовски, директорот на Агенцијата за храна и ветеринарство Зоран Атанасов и раководителот на ПЕ на МЗШВ од Битола, Методија Илиевски.

-За прв пат кофинансирањето на набавката на високо квалитетен генетски расплоден материјал е договорена со фармерите под нивни услови. Процентот на кофинансирање е од 50-75 %, и тоа е историски највисока поддршка, истакна Димковски.

Со измените на мерката 1.2.1 резултатите се веќе видливи. За 2019-та година, потпишани се 68 договори во вкупна вредност од 135 милиони денари финансиска поддршка за набавка на 1529 грла високо стелни педигрирани јуници.


-Политиките за развој на земјоделството кои МЗШВ успешно ги реализира ќе допринесат нашите сточари да ги зголемуваат матичните стада, со добиток со висок генетски потенцијал, а тоа ќе допринесе за зголемување на количината на сурово млеко, рече министерот Димковски.


Крајната цел е прогрес на сточарството, млечната индустрија и економијата на Република Северна Македонија во целост.

„Современо Земјоделство“

Фотографија на Министерство за земјоделство, шумарство и водостопанство.
Фотографија на Министерство за земјоделство, шумарство и водостопанство.
Фотографија на Министерство за земјоделство, шумарство и водостопанство.
Фотографија на Министерство за земјоделство, шумарство и водостопанство.
Share

Leave a Reply

Your email address will not be published. Required fields are marked *