Министерот за земјоделство, шумарство и водостопанство Арјанит Хоџа, оствари средба со оризопроизводителите од кочанскиот регион.
На средбата се дискутираше за актуелната состојба со откупот на ориз од овогодинешната реколта. Беа изнесени ставови за ниската откупна цена, како и за пропратните проблеми на оризопроизводителите.
Министерот Хоџа ги сослуша размислувањата на земјоделците, кои се континуитет од неколкуте средби што беа реализирани и во министерството но и на терен во кочанско.
Најавена е средба со откупувачите непосредно по новогодишните празници, после која ќе се одржи заеднички состанок на сите инволвирани во откупниот процес.