Денеска Министерот за земјоделство, шумарство и водостопанство имаше средба со новиот руски амбасадор Сергеј Баздникин.
На средбата се истакна дека Руската Федерација нуди нова технологија и механизација, како поддршка за македонското земјоделство.
-Со новиот амбасадор Сергеј Баздникин разговаравме за унапредување на економската соработка меѓу двете земји, но и за останатите проекти, во делот на енергетиката, инфраструктурата, транспорт, истакна Николовски.
Министерот Николовски го информираше рускиот амбасадор дека го ревидираат составот на работните групи во Меѓувладината комисија и се утврдуваат приоритетите за идната соработка.
-Ги поддржуваме нашите фирми за промоција на најголемите саеми во Русија, како и Македонскиот изложбено-трговски дом во Москва, рече Николовски.
Министерот додаде и дека се работи на зголемување на извозот на македонски земјоделски производи и вино преку исполнување на сите стандарди на Русија.
М-р Билјана Петровиќ за Современо Земјоделство
