Во Македонија и на Балканот, можат да се најдат различни сорти на мушмула: домашна, кралска, холандска и бесемена.
Домашната мушмула има ситни до средно големи вкусни плодови. Плодовите содржат голем број на семки но малку месо. Оваа сорта е отпорна на мраз и суша.
Со појавување на Органска храна на Запад интересот за мушмулата повторно се зголемува во нашиот регион но не и кај нас.
Причина: Многу отпорно овошје кое воопшто не изискува хемиски препарати, затоа што е отпорна на болести и штетници.
Мушмулата може да се одгледува и до 1000 метри надморска височина, но најдобри резултати дава доколку се одгледува на 700 метри.
И годат сончеви и подрачја кои што се добро проветрени. Отпорна е на ниски температури, па без големи оштетувања може да ги поднесе температурите и до -30 степени Целзиусови.
Од друга страна континуирано високи температури можат да ја оштетат.
Мушмулата во принцип ги поднесува скоро сите видови на почва, освен тешки и почви кои што ја задржуваат влагата. Оптималната pH вредност на почвата е околу 7, значи неутрални видови на почва.
Идеалното време за садењето на мушмулата е есенскиот период. Садењето се препорачува на 4х4 или на 4х3 метри што бара околу 625 или 834 садници по еден хектар.
Раѓа обилно по втората година.
Автор: Дипл. Инж. Агроном Иван Стојанов за Современо Земјоделство.
