Министерот за земјоделство, шумарство и водостопанство, Љупчо Николовски денеска имаше средба со министерката за земјоделство, шумарство и храна, на Република Словенија, Александра Пивец.
-Во следните две години заеднички со Словенија, ќе работиме на акредитирање на нови мерки за ИПАРД, зголемена поддршка за младите земјоделци, формирање задруги и развој на шумарството, истакна Николовски.
Во рамки на оваа соработка Словенија, се согласи да ја продолжи техничката поддршка на Македонската Платежна агенција (АФПЗРР).
-Овие активности се дел од Акцискиот план 2019-2020, кој ќе го потпишеме на утрешниот работен состанок во Струга, рече Николовски.
Овие се само дел од темите на кои разговараа министерот Љупчо Николовски, со министерката за земјоделство, шумарство и храна, на Република Словенија, Александра Пивец.
М-р Билјана Петровиќ за Современо Земјоделство
