Опожарена е трска на брегот на Охридското Езеро во пожар што вчера попладнето околу 17 часот се случил на потегот од плажата Версус, кон селото Калишта.
Според првичните проценки на очевидци, изгорени се повеќе од 300 квадратни метри трска во и околу езерото.
Пожарот, како што потврдија за МИА од Територијалната против пожарна единица – Струга целосно е ликвидиран.
-Интервениравме со две противпожарни возила и четворица пожарникари. Пожарот е целосно ликвидиран, информира ТППЕ – Струга.
Тешкотии при гасењето на пожарот предизвикал ветерот, кој засилено ги ширел огнените јазици.
Причините за настанување допрва ќе се утврдуваат, но според првичните информации се работи за подметнат пожар.
Извор: МИА
