за вистински земјоделци
Меѓународната агенција за енергетика (ИЕА) соопшти дека цените на „црното злато“ веројатно нема да растат драматично и континуирано, и покрај очекувањата дека кампањите за вакцинација подоцна, во текот на годината, ќе ја зголемат побарувачката за нафта.
Со 4 денари државата ќе интервенира за вранецот и смедеревката, а со 2 денари ќе интервенира за високосортното грозје. Дополнително се останува на супституција на транспортот со 20 отсто на транспортните трошоци за наливното вино, и 30 проценти супституција за флашираното вино.
Од утре престанува да важи Одлуката за определување на највисоките цени на одделни производи во трговијата на големо и трговијата на мало, а која се однесуваше на: леб, сол, шеќер, зејтин, млеко и млечни производи, јајца, брашно, месо, тестенини, лекови, лична заштитна опрема, средства за лична хигиена и дезифекциони средства, потрошен медицински материјал, медицинска опрема и апарати.
Министерството за економија ги информира трговците на мало и на големо дека со крајот на вонредната состојба престанува да важи обврската највисоката трговска маржа на портокалите, мандарините, грејпфрутот и лимоните на трговците поединци кои учествуваат во трговскиот ланец во трговијата на големо да се определи во вкупен износ до 10 отсто, односно до 15 отсто во трговијата на мало.
Државниот пазарен инспекторат од 19 до 22 март спровел 869 надзори за контрола на замрзнатите цени, при што кај одредени трговци од малопродажба е констатирана промена на цените на неколку производи, но субјектите, како што беше соопштено вчера, се веднаш задолжени да постапат по одлуката и да ги вратат старите цени од 11 март годинава.
Ги известуваме сите заинтересирани граѓани дека ЈП “Стрежево” – Битола планира од февруари да започне со издавање на дозволи за вршење на рекреативен риболов за рекреативната зона “Акумулација Стрежево” за 2020 година.
Во октомври 2019 година, во споредба со октомври 2018 година, индексот на цените на инпут 1 (тековно потрошени средства во земјоделството) изнесува 96.9, а индексот на цените на инпут 2 (средства наменети за инвестиции во земјоделството) изнесува 99.4.
Според податоците на Државниот завод за статистика, индексот на цените во земјоделството во мај 2019 година, во однос на истиот месец од претходната година, кај инпутот е зголемен за 2.2 %, а кај аутпутот се бележи намалување од 4.8 %.
Во март 2019 година, во споредба со март 2018 година, цените на инпутот, односно тековно потрошени средства во земјоделството се зголемиле за 2,4 отсто, а индексот на цените на инпут 2, односно средства наменети за инвестиции во земјоделството се намалиле за 1,6 отсто.
Преку овој проект Министерството ќе го поддржи и финансира приватниот сектор односно оние кои ќе сакаат да подигнат преработувачки капацитети во делот на решавањето на проблемот со јаболката, или ќе сакаат да направат сушара за сливи или други капацитети кои ќе бидат оценети како приоритетни. Инаку, во Програмата за рурален развој во 2019 година МЗШВ издвои 4 милиони евра кои ќе бидат насочени кон преработувачката индустрија односно на проектите кои се однесуваат на пласманот и на решавање на вишокот со земјоделски производи.