за вистински земјоделци
Според Предлогот, малите дестилерии ќе плаќаат 50 проценти од полната акциза по литар алкохол, а земјоделците – мали производители 8,5 проценти од полната акциза по литар алкохол. Кај големите производители на алкохол, акцизата останува иста.
Нема да се бараат посебни услови во продажниот објект за продажба на алкохолни пијалаци, ниту ќе се ограничуваат малопродажните објекти во кои ќе се врши продажбата. Продажбата на алкохолните пијалоци ќе се дозволи и во киосците. Исто така со Предлогот на закон не се ограничува времето за продажба на алкохолни пијалаци во малопродажните објекти во трговијата.
Наскоро забраната за продажба на алкохол ќе се укине, а омилениот пијалок ќе може да го купите во секое време што се однесува на вечерните часови. Ограничувањето на времето ќе отиде во историја, но лиценците ќе останат.
Се намали бројот на трговци на мало кои одлучија да продолжат да продаваат алкохолни пијалаци во рамки на времето пропишано во Законот за трговија. Ваквата состојба ја намали продажбата на алкохолни пијалаци, особено продажбата на вино и пиво во земјата“, се вели во законското образложение.