за вистински земјоделци
Во организација на земјоделското здружение „Современо Земјоделство,“ се одржа традиционалната манифестација „Избор на најуспешни во областа на земјоделството“. На најдобрите земјоделци им беа доделени признанија за успешност во производството и професионалност во работата.
Нивното мото е Грижа за квалитетот, а желбата за осовременување и унапредување на македонскиот земјоделец им донесе застапништво на десетици светски брендови за производство на трактори и механизација кои ги задоволуваат светските стандарди.
На најдобрите земјоделци им беа доделени признанија за успешност во производството и професионалност во работата.
-Почитувани гости, драго ми е што сум дел од ваков настан, каде сите чинители од секторот се на едно место. Ние како министерство и понатаму ќе продолжиме да работиме во насока на осовременување на секторот земјоделство и да донесуваме мерки во корист на најважните-земјоделците, истакна заменик министерот за земјоделство, шумарство и водостопанство, Благе Цветковиќ.
Првата и единствена од ваков вид манифестација за „Избор на најуспешни во областа на земјоделството“ се одржа на 20-ти септември во ресторан Вавилон, во Битола. На манифестацијата учествуваа повеќе од 500 гости, од кои половината беа земјоделци -фармери, а половината беа компании – стопанственици од областа на земјоделството.
-Нашиот бизнис има 35 годишна традиција, а поголемиот развој започнува со членството на Грција во ЕУ, поточно оттогаш бележиме постојана нагорна линија. Денеска имаме 20 ха расадник со 1 400 000 овошни садници од различни видови – вели Костас.