за вистински земјоделци
Следните 36 месеци доходот од работа, доходот од самостојна дејност, доходот од авторски и сродни права, како и доходот од продажба на сопствени земјоделски производи ќе се оданочуваат со стапка од 10 проценти. Во мирување ќе биде ставена и стапката од 15 проценти, што значи дека стапка од 10 проценти ќе се применува и за оданочување на доходот од права на индустриска сопственост, закуп и подзакуп, капитал, капиталните добивки, од осигурување и другиот доход.
Со измените на Законот, младите до 40 години ќе бидат ослободени од плаќање закупнина три години од склучување и стапување на сила на договорот.
Тоа е олеснување и мотивирачки фактор за сите млади земјоделци за свој бизнис.
За органските производители ќе има и уште една поволност, односно наскоро ќе биде објавен оглас на кој ќе можат да конкурураат за закуп на државно земјоделско земјиште до 3 хектари.
Се воведува субвенционирање во три нивоа и тоа: – субвенцијата за прва класа тутун ќе изнесува 80 денари по килограм, што е прво ниво; – за втора класа, 70 денари, што е второ ниво; – третото ниво на субвенционирање изнесува 60 денари по килограм и важи за трета и четврта класа.