Од смрчки можат да се заработат и по стотици евра дневно
-Навистина многу се вкусни. Сите видови се разликуваат по својот квалитет. Нормално, најскапите се и најквалитетни. Јас лично само ги обарувам па пржам, ништо друго не им додавам кога ги приготвувам. Прсти да излижеш, нагласи Атанас од Кавадарци, додавајќи дека има добра заработувачка, ако човек точно знае каде да ги бара, затоа што не секаде ги има. Покрај во стари и напуштени лозја, најчесто растат и во стари и напуштени овоштарници со сливи или јаболки. Една од сортите исто така многу можела да се најде таму каде што имало и брест.
