Пекорино романо – сирењето на римските легионери на вашата трпеза
Пекорино романо е тврдо сирење со извонреден квалитет чија боја може да варира од бела до различни нијанси на слама во зависност од условите во кои е произведено, како и тенка кора со боја на бледа слонова коска. Ова сирење има остар, пикантен вкус, кој е лесно зачинет кога се користи како трпезно, додека кај ренданото пекорино романо сирење се чувствува интензивно зачинет вкус. Пекорино романо не се конзумира веднаш по производството, туку треба да созрее одреден период. Така, доколку станува збор за трпезно сирење, минималниот период на зреење треба да изнесува најмалку 5 месеци, а ако е наменето за рендање тогаш пекорино романо треба да се остави да зрее најмалку 8 месеци.
