за вистински земјоделци
Владата на вчерашната седница донесе Одлука за престанување на важење на одлуката за ограничување на извозот на одделни стоки која се однесуваше на пченица и наполица, брашно од пченица и наполица и семе од сончоглед (кршено или дробено). Одлуката е донесена по предлог на Министерството за економија.
“Веќе имав состанок со производителите на брашно од Македонија и веднаш стапив во контакт со колегите од косовска страна за да се разреши овој проблем и добив ветување дека за некое време тоа ќе се направи”, вели Крешник Бектеши, министер за економија.
Николовски рече дека до 30 јуни годинава треба да се усогласат и потпишат двата договора со Србија од областа на безбедноста на храната и фитосанитарната соработка, што ќе значи меѓусебно признавање на сертификатите, побрз проток на пратките, пониски трошоци и поконкурентни македонски производи.
Евиденцијата на маркиците што се издаваат од Министерството за земјоделство, шумарство и водостопанство за евидентирање на брашното пред пуштање во промет продолжува со целосна контрола од страна на Агенцијата за храна и ветеринарство, како на увозното, така и на домашното брашно.
При увозот на брашно треба да се овозможат услови за непречен инспекциски увид на увозното брашно од страна на инспекторите на македонската Агенција за храна и ветеринарство на граничниот премин, со што ќе се контролира дали маркиците се соодветно залепени на брашното и дали брашното има соодветна деклариција.
– Стопанствениците не бараат укинување на маркичките. На состанокот во Скопје коморите од Србија и Македонија се согласија дека прашањето до последен момент ќе биде отворено. Но, можно е и тоа да се надмине до 14 април, нагласува Димковски.
„Доколку до 14 април не најдеме решение, автоматски истиот ден ќе воведеме контрамерки. Немаме друг механизам и бевме доволно време трпеливи и толерантни“ – изјави Љајиќ.
Граничната фитосанитарна инспекција на Република Србија на граничниот премин Прешево од утре (недела) ќе работи седум дена во неделата од 7 часот до 19 часот. Досега работното време беше шест дена во неделата од 7 часот до 19 часот.
Засега останува одлуката маркичките за брашното од еден, три и пет килограми да се лепат во Србија, а за 25 и 50 килограми во Македонија. Не се исклучува и опција, маркичките трајно да се укинат ако има согласнот од двете страни, вели ресорниот министер. Според Николовски, не се штитат ничии интереси, најмалку на поединци.
Денеска во Белград се одржува првата седница на Мешовитиот комитет на Македонија и Србија, чија цел е надминување на бариерите и на сите отворени прашања за полесен проток на стоки и унапредување на трговската размена.