за вистински земјоделци
Потребни се минимум 10 лица за формирање на задруга.
Специфична цел на поддршката е зголемена продуктивност и зголемени економски резултати преку поддршка на соработка меѓу земјоделците за формирање на нови земјоделски задруги.
Преку овој проект, на располагање стои грант од над 1 милион евра, пари со кои земјоделците ќе може да ги зајакнат постоечките или да формираат нови земјоделски задруги.
– Поради тоа задругите нудат еден од начините на здружување на земјоделците со цел да бидат помоќни, посилни, поорганизирани и поконкурентни. Земјоделците здружено ќе може да ги решаваат проблемите кои сега се јавуваат околу производство и пласманот. Организирани поефикасно ќе може да го прават тоа, истакна Неданоски.
„Задругите се иднината на модерното земјоделство, здружените земјоделци по успешно се справуваат со проблемите со пласманот на земјоделските производи, преку ваквото здружување во задруги,земјоделците можат полесно да аплицираат за финансиска поддршка преку програмите на МЗШВ, но и до средствата од европските фондови, ние како Влада и ресорно министерство работиме на превземање мерки кои ќе придонесат кон зголемување на бројот на задруги“ – истакна Заменик министерот Благе Цветковиќ.
-Од други држави веќе доаѓаат и го заземаат нашиот простор. Во последните години може да се слушне дека имаме постојано проблем со одредени производи. Затоа и идејата е да се поттикнат земјоделците на соработка. Се додека земјоделецот сам бере и пакува, ќе имаме проблем, напомена Димковски.
Целна група на проектот се 30 постоечки земјоделски задруги и 30 групи земјоделци кои сакаат да формираат нови задруги и да учествуваат во проектни информативни сесии и обуки за развој на бизнис планови, од кои 20 ќе добијат грантови за проекти.
Во Министерството за земјоделство, шумарство и водостопанство денеска ќе биде промовиран проектот „Поддршка за развој на земјоделски задруги во Македонија“.
-Еден земјоделец да ангажира еден агроном му е скапо, а 20 земјоделци или десет земјоделци да ангажираат еден агромом ќе им биде поевтино како прво. Второ, во секое време ќе има советодавни услуги, набавка на репроматеријали на база на заедничко набавување, вели Памуков.
За организирање на информативни и промотивни активности субвенцијата изнесува 100 проценти од вкупните направени трошоци. По барање на задругарите парите можат да се исплатат одеднаш или на две рати. Досега во Македонија се запишани 29 земјоделски задруги од кои 24 од мал и 5 од голем обем, со вкупен капацитет од 870 хектари обработлива површина, 260 пчелни семејства, 450 говеда, 250 овци и 200 кози.