за вистински земјоделци
Јакнење на националните капацитети во областа на проценка на ризик за безбедноста на храната и подобрување на алатките за репортирање на националните податоци од спроведувањето на мониторинг програмите, во насока на поддршка на земјите во процесот на усогласување на националните, со системот на Европската Унија, со цел обезбедување унифицирани, квалитативни и квантитативни податоци.
Со депопулацијата за спречување на африканската чума, досега се опфатени вкупно 3 348 свињи од кои 3 215 се еутаназирани, вели за МИА директорот на Агенцијата за храна и ветеринарство (АХВ), Николче Бабовски.
Граѓаните можат да бидат мирни. Храната што ја јадеме е безбедна. Контролите се континуирани и зајакнати, надзорот се засилува, а бројот на инспекции е зголемен, уверува директорот на Агенцијата за храна и ветеринарство (АХВ), Николче Бабовски.
Од денеска, па се до крајот на овој месец, сите кои сакаат да градат нови, да ги ревитализираат или обноват старите рибници, мрестилиштата или мандрите, ќе може да поднесат барање за добивање на средства од Програмата за рибарство и аквакултура.
– Наближуваме до 30 проценти искористеност од 80 милиони евра кои се предвидени во овој програмски период, со тоа што течат обработките на 1099 апликации кои се однесуваат на модернизирација на земјоделското стопанство и 65 апликации од кои 25 договори веќе се склучени. Во тек е објавата за мерка 7 диверзификација на бизнис и рурален развој. Во првиот ИПАРД период беа искористени само 17 отсто од расположивите средства, изјави директорот на Агенцијата, Николче Бабовски.
Агенција за финансиска поддршка во земјоделството и руралниот развој го објави името на економскиот оператор кој го добил тендeрот за набавка на „зелена нафта“ на земјоделците. Од агенцијата велат дека операторот „Макпетрол акционерско друштво за промет со нафта и нафтени деривати Скопје“ ги исполнил сите услови согласно барањата во тендерската документација.
Од денеска до 15- ти јули, сите субјекти кои ги порибиле рибниците со порибителен (насаден), материјал во периодот од 1- ви февруари до 30- ти мај, ќе може да аплицират за добивање на финансиска поддршка од Програмата за рибарство и аквакултура.
Од 30 до 40 отсто зголемени приноси, поголема апсорпција на ѓубрива, пониски трошоци и поконкурентно производство ќе добијат 43 земјоделци кои аплицирале за инвестиции во подземни системи за наводнување „капка по капка“. Со оваа мерка, која е дел од Програмата за рурален развој 2018, предвидени се вкупно 20 милиони денари кои ќе им се враќаат на земјоделците по реализација на инвестицијата. Кофинансирањето ќе изнесува од 50 до 75 отсто.
– Извештајот е сосема реален, Агенцијата навистина треба сеуште да ги зајакне своите капацитети. Веќе исплатените 3 милиони евра покажуваат дека сме на добар пат, а имаме таргет до крајот на годината да исплатиме 8,7 милиони евра, и со тоа навистина ќе го покриеме овој дел од извештајот. Извештајот е во фаза на очекувањата да се дозавршат исплатите“, вели Николче Бабовски, директор на Платежната Агенција.
Агенцијата за финансиска поддршка во земјоделството и руралниот развој ја објави најавата за јавниот повик за Мерката 7 „ Диверзификација на фарми и развој на мали бизниси“ од ИПАРД 2 Програмата. Согласно процедурите од Европската унија, во овој триесет дневен подготвителен период на сите оние земјоделци и агробизнисмени што сакаат да конкурираат, а ги исполнуваат условите, им се дава можност да ја подготват потребната документација за аплицирање на новиот повик.