Ленче Николовска, посебен советник за земјоделство на претседателот на владата на Р.М. најави дека поканата која ја доби нашата земја за членство во НАТО го отвори патот на инвеститори и во земјоделската област. Имено, Дони Фруитс е потенцијален сериозен инвеститор.
-Земјоделци, што велите да има и кај нас ваков откупен дистрибутивен центар?
Ова е во Албанија, ова е албанскотo овошје и зеленчук, ова се трговците, ова е „Дони Фруитс“, ова се вика стабилен пласман и обезбеден пазар на земјоделски производи. Албанија со членството во НАТО ја има потребната стабилност и сигурност која е многу важна за инвеститорите, рече Николовска.
Воедно, Николовска имаше средба со албанскиот заменик министер кој откри дека со 20 милиони евра субвенции годишно го зголемиле производството за 20% само во првата година кога ја започнале стратегијата и откако станаа членка на НАТО инвеститорите ја добија потребната сигурност и стабилност.
Сега се насочени кон искористување на 80 милиони евра од ЕУ фондови.
Таа на својот ФБ профил напиша: – “Потонав” од срам за туѓи грешки и погрешни политики…Му кажувам на Албанскиот заменик министер дека со 1 милијарда евра за 10 години во агрокомплексот, нашето земјоделско производство е намалено а увозот на храна дуплиран. Земјоделци и агробизнисмени- ВРЕМЕ Е за модерно Eвропско производство и пласман.“
Б.П. за Современо Земјоделство