Министерот за земјоделство, шумарство и водостопанство, Љупчо Николовски, денеска беше на средба со жителите и пратениците од регионот, градоначалниците на Велес и Чашка, директорот на ЈПВ Лисиче и консултантот на германската KFW банка. Тие разговараа за новата инвестиција за системот за наводнување „Лисиче 2“ и придобивките од него, за регионот.

-Системот за наводнување Лисиче 2, ќе обезбеди вода за наводнување на околу 5.000 хектари земјоделска површина, вода за производство на електрична енергија од три мали хидроелектрани и полнење на акумулацијата „Младост”, истакна Николовски.

Вкупната инвестиција изнесува 28,5 милиони евра, а ќе се финансира со помош на германската развојна банка.

Проектот е долгогодишно барање на граѓаните и од големо значење за регионот.
М-р Билјана Петровиќ за Современо Земјоделство

