Обуките за сомелиери се спроведоа преку проектот „Cheese and wine and Tourism will shine” од програмата „Еразмус+“ кој освен обуки, предвидуваше и креирање дигитална платформа за вмрежување на туристички субјекти.
Стопанската комора за туризам обучувала сомелиери за сирење и вино, две години во соработка со Португалија, Шпанија и Бугарија, но овие кадри не можат да најдат работа во земјава. Ова го посочија од комората.
– Сомелиерите за вино се обучуваа во Мадрид, а оние за сирење во Порто. Сега тие знаат да дегустираат, да препознаваат и тоа да го спроведат во практика. Компетенциите што ги добија и сѐ што научија, можат да го пренесат во туристичките објекти. Но, во овој момент хотелиерите и угостителите не покажуваат доволно интерес за нив, иако имаат потреба од вакви профили. Увидовме дека им недостасуваат – изјави извршната директорка на Комората, Биљана Пејоска Ристеска пред почетокот на денешната тркалезна маса „Воведување иновативни образовни концепти на полето на одржлив туризам“.
Според неа, сомелиерите за сирење и вино стекнаа неформално образование. Практично, го доусовршиле своето досегашно знаење.
Обуките за сомелиери се спроведоа преку проектот „Cheese and wine and Tourism will shine” од програмата „Еразмус+“ кој освен обуки, предвидуваше и креирање дигитална платформа за вмрежување на туристички субјекти.
