Електронското полагање на ловечките испити се укинува. Од сега за добивање ловна дозвола ќе се полага на многу поедноставен и поефтин начин од порано. Освен во Скопје како што беше досега идните ловџии испитиот ќе може да го полагаат и во другите градови од државата. Овие новини ги соопшти министерот за земјоделие Љупчо Николовски кој беше на средба со претставници на ловните друштва од струмичко.
,,Ги поедноставивме процедурите, но значи и повеќе пари и за ловечките друштва, нови членови, но и наш целосен фокус на овој сектор, со измените на законот за ловство кои што ги направивме, со укинувањето на електронското полагање кое што беше само во Скопје,, – рече ЉУПЧО НИКОЛОВСКИ – МИНИСТЕР ЗА ЗЕМЈОДЕЛСТВО.
Претставниците на ловните друштва задоволни од новините.
,,Замислете, се полагаше пратктично, а е електронски. Тоа незнам каде го има во која држава”, рече МАРЈАН ДАСКАЛОВСКИ – ПРЕТСЕДАТЕЛ НА ЛД БЕЛАСИЦА – СТРУМИЦА.
Полагањето на испитите веќе започна во Пехчево. Само овој месец тоа ќе им биде овозможено на околу 600 кандидати кои со години чекале да го полагаат ловечкиот испит. До крајот на летото оваа можност треба да ја искористат околу 2000 лица кои во изминатите две години аплицирале, но не им било овозможено да полагаат.
