Tag: Покачување

Последните статистички податоци покажуваат пораст на платите во секторот земјоделство, шумарство и рибарство. Платите на вработените во овој сектор, односно на работниците во земјоделските производствени и преработувачки капацитети на годишно ниво се покачени за 12,5% и понатаму ќе продолжат да растат.

– Во јануари 2017 просечната плата во овој сектор изнесувала 16.730 денари, а истиот месец оваа година 18.829 денари. Тоа е покачување за 2.099 денари. Намалените трошоци и поголемите приходи значително го менуваат стандардот и го покачуваат квалитетот на животот на земјоделските работници и на земјоделците – истакна Министерот Николовски.

Сојузот на здруженија на тутунопроизводители на Република Македонија им препорачува на откупувачите за 20 отсто да ги зголемат понудените откупни цени по класи и типови тутун за реколтата од 2018 година заради зголемените трошоци за производство и подобриот квалитет на родот.

За 30 отсто ќе се зголемат платите на шумските полицајци. Одлуката ќе се применува по првиот ребаланс на Буџетот за 2018 година, информираше портпаролот на Владата Миле Бошњаковски.