Во организација на спортско-рекреативен риболовен клуб „Мрена“ вчера беше одржан годинашниов општински натпревар во риболов на пливка. На натпреварот учествуваа исклучиво членови на ЗСРРК „Мрена“.-И годинава, во одлични временски услови го реализиравме општинскиот натпревар во риболов на пливка „Мрена 2021”.
На натпреварот учествуваа петнаесет рекреативни и спортски риболовци, членови на здружението, а беа запазени сите протоколи за заштита од Ковид-19. Благодарност до сите натпреварувачи и голема благодарност до Општина Крива Паланка за поддршката на спортскиот и рекреативниот риболов и туризам во нашата општина, бидејќи овој настан неколку години по ред е поддржан финансиски од локалната самоуправа, со средствата од годишната програма на Општината за поддршка на здруженија и фондации, информира Зоран Стоилковски, претседател на ЗСРРК „Мрена“, Крива Паланка.
Прво место на натпреварот освои Сашко Велковски, втор е Мартин Георгиевски, а третопласиран беше Зоран Станковски.
Здружението „Мрена“ е концесионер на риболовен ревир „Крива Река 1“- Криворечки“, а во текот на годината во рамки на Годишната програма врши порибување во овој ревир со 200 килограми подмладок на крап и 100 килограми пастрмка. Порибување се врши наесен.
Извор: МИА
