Денеска министерот за земјоделство, шумарство и водостопанство, Љупчо Николовски, имаше работен состанок со главниот извршен директор на реосигурителната компанија „Европа Ре“, Орсалиа Каланзополус, на кој што разговараа за новите модели за осигурување на земјоделското производство.
– Не можеме секогаш да влијаеме врз климатските промени, но како ресорно министерство мора да работиме на ефикасни инструменти со кои ќе го заштитиме земјоделското производството, а земјоделците ќе можат да си ги покријат загубите, истакна Николовски.
Тој додаде дека како влада и како ресорно министерство интензивно работат на нови стратегии за зголемување на интересот на земјоделците да го осигураат земјоделското производство.
М-р Билјана Петровиќ за Современо Земјоделство
