Министерот Николовски оствари средба со одгледувачите на овци

Вести Сточарство

Министерот за земјоделство, шумарство и водостопанство, Љупчо Николовски, денеска имаше средба со одгледувачите на овци, со кои разговараше за актуелните состојби во овчарството и проблемите со кои се соочуваат овие сточари.

– Со развојни мерки кои ќе ги креираме заеднички со фармерите ќе го зголемиме добиточниот фонд и ќе го направиме сточарството профитабилно. Заедно со АХВ преземаме активности за утврдување на точниот број на овци, што е клучно за правилна распределба на субвенциите, истакна Николовски.

Тој додаде и дека во следниот период ќе се прават низа на активности:

➡ од следниот месец до 30-ти јуни ќе се спроведе земање на крв за испитување на бруцелоза од сите овци

➡ вакцинација на јагнињата против бруцелоза
➡ вакцинирање за ентеротоксемија кај овците, која што МЗШВ ја субвенционира со 50 отсто
➡ од следната година ќе се спроведе електронското преобележување на овците, говедата и козите согласно регулативите на ЕУ.

На денешниот работен состанок, овчарите изразија задоволство за новиот Правилник за мали производствени капацитети како и од мерките предвидени во новата Програма за рурален развој 2019.

 

„Современо Земјоделство“

Share

Leave a Reply

Your email address will not be published. Required fields are marked *