Зошто? За пакување на пестициди се користат полиетиленски шишиња, кои, заради нивната висока молекуларна тежина, се практично неразградливи во природата. Повеќето земјоделци палат или фрлаат такви шишиња, што е неприфатливо кога станува збор за заштита на животната средина.
Кога гори пластиката предизвикува високи концентрации на опасни гасови и испуштање во воздухот на екстремно токсични соединенија кои лесно можат да поминат од воздухот во почвата и со тоа да бидат вклучени во ланецот на исхрана.
Неправилното отстранување на отпадна пластика кај фармите може да предизвика загадување на почвата и подземните води и да влијае на здравјето на луѓето, растенијата и животните.
Покрај тоа, таквата пластика изложена на надворешни услови може да стане легло на зараза, бидејќи привлекува разни видови глодари, комарци и слични носители на заразни болести.
Должност на земјоделецот е да ги исплакне празните шишиња со пестициди со вода три пати, да ја искористи таа течност за да ги третира растенијата и да ја стави празната амбалажа на безбедно место каде што нема да биде загрозен животинскиот свет.
Забрането е да се фрлаат празни амбалажи од пестициди во вода (извори, бунари, реки, езера, езерца), јами, канализации, канализациони мрежи, покрај патишта, депонии и други начини на кои може да се појави загадување на животната средина.
„Современо Земјоделство“
