Министерот за земјоделство, шумарство и водостопанство, Љупчо Николовски, вчера во Кавадарци, имаше работен состанок со Регионалната Стопанска Комора.

На состанокот, меѓу другото, министерот Николовски го најави објавувањето на новиот повик за ИПАРД 2, и тоа дека за 2019 година се обезбедени 2,5 пати повеќе средства за кофинансирање на проектите од оваа програма.

-Наскоро го објавуваме новиот повик за ИПАРД 2, а за 2019 година обезбедивме 2,5 пати повеќе средства за кофинансирање на проектите од оваа програма. Создаваме поволни бизнис услови за компаниите од агро – секторот, поддржуваме нови инвестиции во преработувачка индустрија и обезбедуваме подобар пласман на земјоделските производи, истакна Николовски.

На средбата со регионалната стопанска комора од Кавадарци, присуствуваа претставници од винариите, откупните центри и земјоделските стопанства.
М-р Билјана Петровиќ за Современо Земјоделство


