Пратениците на вчерашната собраниска седница го одложија Законот за трговија на зелените пазари на една година, со цел да се најде соодветно и заемно прифатливо решение а владеачката партија ги смирува пазарџиите и им порачува да бидат спокојни бидејќи ќе се најде решение.
„Земјоделците, пензионерите и сите пазарџии да бидат спокојни, се работи за решение со кое секој ќе може достоинствено и чесно да заработи денар повеќе, но и решение кое истовремено ќе обезбеди начин за сузбивање на сивата економија“, велат од СДСМ.
Со одлагањето, се отвора простор за консултација и дебата помеѓу сите засеганти страни и без кој било да биде оштетен.
„Неопходно е институциите, продавачите и организаторите на пазарите на заедничка маса да дискутираат со цел да се подобри организацијата на работата на пазарите и да се дојде до решение со кое ќе бидат заштитени сите засегнати страни“, велат од партијата на власт.
Законот предлагаше хонорарци и пензионери да не смеат да продаваат на зелените пазари воопшто.
