Средба на директорот на АПРЗ со претставници на здружение на пчеларите по повод објавувањето на мерката „Диверзификација на фарми и развој на бизниси“ од ИПАРД Програмата 2021-2027

Вести

Директорот на АПРЗ,  м-р Пеце Стојковски, денес, 06.11.2024 година, оствари средба со претседателот на Сојуз на пчеларски здруженија на Македонија, Менде Трајковски и претседателот на ПЗ Мариовско-Пелагониски пчелари Александар Спасеновски, по повод објавата на повикот бр. 02/2024 за Мерка 7 ‘‘Диверзификација на фарми и развој на бизниси‘‘ од ИПАРД 3 програмата.

На средбата од страна на Директорот беше укажано за можностите со  кои пчеларите можат да ги користат финансиските средства за набавка на опрема: пчелни сандуци, приколки за транспорт, центрифуги и др.

Исто така тој појасни дека со воведувањето на оваа мерка, е предвидена финансиска поддршка до 70% од вкупните прифатливи трошоци за инвестиции и  дека преку оваа мерка пчеларите добиваат директна поддршка со која ќе го унапредат своето работење.

Целта на средбата беше да се мотивираат пчеларите да поднесат барање по мерката 7  за што советниците од АПРЗ ќе им обезбедат информации и услуги при поднесување  на барањата.

 

Диверзификација на фарми и развој на бизниси:

Финансиската поддршка за овој Јавен повик е составена од 75% средства обезбедени од Инструментот за претпристапна помош за рурален развој на Европската Унија (ИПАРД) согласно ИПАРД Програмата 2021-2027 и 25% средства обезбедени од Буџетот на Република Северна Македонија.

Финансиски средства по поединечно барање се доделуваат како неповратна финансиска поддршка (грант) во износ од:

60% од вредноста на вкупно прифатливите трошоци на инвестициите за мерка Диверзификација на фарми и развој на бизниси

Процентот се зголемува до 70% за инвестиции предложени од млади земјоделци и/или сертифицирани органски производители и за колективни инвестиции.

Процентот на кофинансирање може да се зголеми за дополнителни 10% за инвестиции поврзани со управување со отпад, обновлива енергија и инвестиции од типот на циркуларна економија

Највисокото кумулативно/комбинирано ниво на поддршка не смее да надминува 75%.

Крајниот рок за поднесување на барањата е 20 декември 2024година

Вкупната финансиска поддршка во рамките на овој јавен повик за мерка 7 “Диверзификација на фарми и развој на бизниси“ 14.000.000,00 евра односно 862.890.000 денари. Курсот на еврото за овој јавен повик изнесува 61.635 ден.

 

Share

Leave a Reply

Your email address will not be published. Required fields are marked *