Согласно Уредбата за директни плаќања за 2021 година на корисници, за мали земјоделски стопанства дефинирани според историски плаќања за претходните три години, објавена во Сл. Весник на РСМ бр.12/2021, детално ви ги претставуваме поблиските критериуми за директни плаќања, кој може да биде корисник на средствaта, максималните износи и начинот на директните плаќања за оваа година.
Мерка 1.16: Директни плаќања за мали земјоделски стопанства дефинирани според историски плаќања за претходните три години
-Корисници на оваа подмерка се земјоделски стопанства кои се корисници по Програмите за финансиска поддршка во земјоделството за 2018, 2019 и 2020 година и истите не се корисници на останатите подмерки од член 2 ставови (2) и (3) од оваа уредба;
-Висината на директните плаќања се утврдува како просек од висината на одобрените финансиски средства за директни плаќања по Програмите за финансиска поддршка во земјоделството за 2018, 2019 и 2020 година и тоа за:
-за одобрен просек од 0 до 10.000 денари, висината на финансиска поддршка изнесува 10.000 денари,
– за одобрен просек од 10.001 до 20.000 денари, висината на финансиска поддршка изнесува 20.000 денари,
– за одобрен просек од 20.001 до 30.000 денари, висината на финансиска поддршка изнесува 30.000 денари, – за одобрен просек од 30.001 до 40.000 денари, висината на финансиска поддршка изнесува 40.000 денари.
Пријавувањето за субвенции за 2021 година се очекува да започне во почеток на месец април.