Македонските земјоделци во грч. Пред стартот на сезоната исплашени се од најавениот руски одговор. Дали тој ќе значи ембарго за увоз на македонски производи?
Дури 60% од вкупните колични овошје и зеленчук завршува на рускиот пазар. Откупувачите велат дека ако евентуално рускиот пазар се затвори, цените на сите производи драстично ќе паднат, а алатернативен пазар засега немаат.
По протерувањето на еден руски дипломат од земјава, руската амбасада најави дека целосна одговорност за последиците ќе сноси македонската страна. Дали тоа значи економски последици, засега е неизвесно.
Русија влегува во групата 20 земји со кои Македонија има најголема тргвоска размена. Лани таа надминала 200 милиони долари. Дефицитот е на македонска страна, но извозот минатата година се зголемил за 10% споредено со претходната.
