Митсујуки: Кочанскиот ориз да се нуди во јапонските ресторани низ Европа

Вести

Македонскиот амбасадор во Тирана, Данчо Марковски денеска во јапонската амбасада во Тирана оствари средба со неговиот колега, Такада Митсујуки.

На средбата е разговарано за повеќе прашања од интерес на двете земји и народи, но, посебно се разменети мислења околу кочанскиот ориз, за кој амбасадорот Митсујуки, оценил дека по квалитет е идентичен со оризот кој се прозведува во Јапонија. Поради тоа тој предложил да се разгледа можноста оризот од Северна Македонија да се нуди на јапонски ресторани низ Европа.

– Почитуван амбасадоре Марковски пренесете им на производителите на ориз во Северна Македонија, дека кочанскиот ориз по својот квалитет и својства е на исто рамниште со оризот од Јапонија. Ви предлагам да започнете со понуда на истиот во јапонските ресторани низ Европа – кажал амбасадорот Митсујуки.

Во објавата на фејсбук-страницата на Македонската амбасада се наведува дека Марковски, пред извесно време му го обезбедил овој познат македонски производ на својот јапонски колега.

Двајцата допломати се договориле во иднина почесто да се среќаваат со цел реализација на активности од заеднички интерес.

Share

Leave a Reply

Your email address will not be published. Required fields are marked *