Обезбедени се над 6,2 милиони евра за исплата на преостанати субвенции

Вести

Владата на вчерашната седница обезбеди 385 милиони денари или над 6,2 милиони евра за исплата на субвенции за неколку мерки од Програмата за финансиска поддршка во земјоделството за 2017 година.

Конкретно, со оваа сума ќе се исплатат субвенции за мерката за органско производство, дополнителна помош за производство во отежнати услови, субвенции за литар предадено млеко, субвенции за мерката за 60 отсто покривање на трошоците за осигурителни полиси, како и за други мерки од Прогрaмата за 2017 година. 

По објавувањето на владината одлука во Службен весник, односно до крајот на оваа недела ќе започне исплатата на овие субвенции.

Досега Агенцијата за финансиска поддршка во земјоделството и руралниот развој има исплатено близу 200 милиони евра, сума во која што спаѓаат субвенции по основ на заостанати долгови од 2013,2014, 2015, 2016 година, како и за мерките од актуелните Програми за 2017 година.

Share

Leave a Reply

Your email address will not be published. Required fields are marked *