Времето денеска ќе биде сончево и топло до 38 степени, попладне дожд, грмежи и ветер

Вести

Времето денеска ќе биде сончево и топло со мала до умерена локална облачност. Попладне на повеќе места ќе биде нестабилно со пороен дожд, грмежи и засилен ветер. Локално процесите ќе бидат во форма на невреме со засилен до силен ветер и појава на град.

Максималната температура ќе биде во интервал од 29 до 38 степени. УВ индексот ќе изнесува 8.

Во Скопје сончево со мала до умерена облачност. Од пладне ќе биде нестабилно со пороен дожд, грмежи, засилен ветер и услови за појава на краткотрајно невреме. Максималната температура ќе достигне до 33 степени.

Утре ќе се задржи топло време, но во попладневните часови на повеќе места ќе биде нестабилно со пороен дожд, грмежи и засилен ветер, а локално процесите ќе бидат во форма на невреме со засилен до силен ветер и појава на град.

И во делови од Скопската котлина ќе биде нестабилно со пороен дожд, грмежи, засилен ветер и услови за појава на краткотрајно невреме.

В петок ќе дува засилен северен ветер, а во деновите од викендот се очекува постепено стабилизирање на времето.

Share

Leave a Reply

Your email address will not be published. Required fields are marked *