Како делегат во Меѓународната организација за вино OIV, во следните два дена во Париз, Франција, министерот за земјоделство, шумарство и водостопанство, Љупчо Николовски, ќе учествува на годинешното вонредно генерално Собрание на организацијата, на кое што ќе се избира нов претседател и генерален директор на организацијата.
Меѓународната организација за вино е најголема организација во која што членуваат над 45 земји членки од светот и сите одлуки во организацијата се донесуваат со консензус.
-За нас како држава во која што винарството е стратешки извозна гранка, важно е да бидеме активен член на Меѓународната организација за вино, од аспект на унапредување на оваа гранка и отворање на нови пазари за македонското вино, истакна Николовски.
Тој додаде дека зголемувањето на извозот на македонското вино е еден од приоритетите на МЗШВ, а Меѓународната организација за вино може да пружи голема поддршка во насока на зголемување на препознатливоста на нашето вино на странските пазари.
Б.П. за Современо Земјоделство