Од денес пријавување за новото производство на тутун

Вести

Од денеска може да почне пријавувањето на новото производство на тутун за 2018-та година. Секој земјоделец кој има намера годинава да ја одгледува оваа култура, мора да има евидентен лист кој ќе се користи за склучување на договорите за откуп со монополите.

Тутунарите се подготвуваат за новата реколта. Најдоцна до 31-ви март, пред да склучат договори за откуп, мораат да го пријават новото производство за оваа година.

Пријавувањето се врши во подрачните единици на Министерството за земјоделство каде што е местото на живеење на производителот, независно каде се наоѓаат површините со тутун.

Земјоделците треба да добијат евидентен лист со сите катастарски парцели на кои ќе садат тутун, според типови и количества кој ќе се внесува во регистерот на земјоделските стопанства.

Со осумте досегашни откупувачи од оваа година во новата реколта влегува и уште една странска команија. Новолиценцираната грчка „Мисиријан“ им се придружува на монополите и ќе почне да склучува договори за откуп со тутунарите.

Досега од ланската реколта се откупени повеќе од 23 илјади тони тутун, со просечна цена од 217 денари за килограм.

Share

Leave a Reply

Your email address will not be published. Required fields are marked *