Програмата за Директни плаќања за 2022 година се усвои на седница на Влада. Ви пренесуваме дел од Уредбата за поблиските критериуми за директни плаќања, корисниците на средствата, максималните износи и начинот на директните плаќања за семенски материјал.
1.12. Директни плаќања за производство на домашен сертифициран семенски материјал од прва и втора генерација за житни, индустриски, фуражни и градинарски култури
-Корисници на оваа подмерка се земјоделските стопанства запишани во Регистарот на снабдувачи на семенски материјал кои имаат произведен семенски материјал во 2022 година согласно Законот за семенски и саден материјал за земјоделски растенија и имаат добиено конечни сертификати;
-Произведен и продаден во 2022 година согласно издадениот конечен сертификат за семенскиот материјал;
-Минимална прифатлива сертифицирана количина за житни култури (пченица, јачмен и тритикале) е 2,5 тони по хектар пријавена површина;
-Минимална прифатлива сертифицирана количина за сточен грашок е 1 тон по хектар пријавена површина;
-Висината на директните плаќања изнесува 20.000 денари по хектар за прва генерација (Ц1) и 15.000 денари по хектар за втора генерација (Ц2) освен за тутун каде што висината на директните плаќања изнесува 60.000 денари по хектар.
1.16. Директни плаќања за производство на предосновен и основен семенски материјал за житни култури
-Корисници на оваа подмерка се земјоделските стопанства запишани во Регистарот на снабдувачи на семенски материјал и кои имаат произведен и продаден предосновен и основен семенски материјал за житни култури во 2022 година согласно Законот за семенски и саден материјал за земјоделски растенија;
-Висината на директните плаќања за произведен и продаден предосновен семенски материјал изнесува 20 денари по килограм, а за основен семенски материјал изнесува 10 денари по килограм.
